Dansstúdíó Alice var upprunalega stofnað uppúr 1975 af Helgu Alice Jóhanns. og var fyrsti Jazz dansskóli Akureyrar.
Skólinn var starfandi til ársins 1992 í sinni upprunalegu mynd en árið 2014 enduropnaði Katrín Mist Haraldsdóttir, dóttir Helgu Alice skólann aftur og rekur hún skólann í dag.
Ásamt því að vera dansskóli rekur DSA einnig heilsuræktarstöð sem heitir DSA heilsa sem býður upp á fjölbreytta tíma fyrir konur á öllum aldri.
Í ársbyrjun 2023 kom Ingibjörg Rún Jóhannesdóttir sem hefur starfað hjá DSA síðan 2014 inn sem meðeigandi í DSA og mun hún sjá um framkvæmdarstjórn á DSA heilsu eftir fæðingarorlof.

Dansstúdíó Alice (DSA) býður uppá dansnám fyrir börn og fullorðna frá 2 ára aldri, ásamt því að bjóða uppá námskeið fyrir 18-24 mánaða.

Nemendur 6 og eldri ára æfa í heimahóp (jazzhóp) 2x í viku og hafa svo kost á að æfa allt uppí 7x í viku með því að bæta við sig mismunandi VAL-tímum. 
(Hægt er að sjá yfirlit yfir þá valtíma sem eru í boði með því að velja “VAL-tímar” efst á síðunni).

Börn 1,5-5 ára æfa 1x í viku á laugardögum.

Við erum til húsa í Hrísalundi 5.